**گڵکۆی تازە لەیل**

گڵکۆی تازەی لەیل، گڵکۆی تازەی لەیل

ئارۆ شیم وەسەیر گڵکۆی تازەی لەیل

نە پای مەزار لەیلەکەی پـڕ مەیل

جە دیدەم واران ئەسرینان چون سەیل

شیم وەسەرینش بەو دڵەی پڕ جۆش

سەنگێ مەزارش گرتم نە ئاغۆش

واتم ئەی دڵسۆز قەیس پۆس نە کۆڵ

موبارەکت بۆ یانەی تەنیای چۆڵ

کۆچی بێ وادەت کارێ پێم کەردەن

بێزارم جە گیان، ڕازی وە مەردەن

گڕەی نار عەشق دووری باڵای تۆ

کارێ پێم کەردەن نەونەمامی نۆ

نە بە رۆژ ئارام نە شەو خەومەن

چون چەم گل کەران گلاراومەن

جەو اوە گەردش ئەو چەرخ چەپ گەرد

من و تۆ وە زۆر جە ھەم جیا کەرد

تۆ بەردەن وە خاک سیای تەنگ و تار

من مام پەی عەزاب جەفای رۆزگار

ھەر رۆ چوون مەجنوون خاتر جە غەم کەیل

ھەر لەیل لەیلمەن جە ھەردی دووجەیل

شەوان تا وە رۆ شیو و رۆڕۆمەن

گشت پەژارەیی تەنیایی تۆمەن

ستارەم شوومەن بەختم لێویان

چوون ئاھووی تەنیا سەر لێم شێویان

یە حاڵی منەن شای وەفاداران

ھەمرازی تۆ کێن سوب تا ئێواران

لە جیاتی باھووی قەیسی غەمگینت

کام سەنگی سیا شەو جە باڵینت

سا پەی چێش سۆمای دیدەم تار نەبۆ

زیندەگی جە لام زەھری مار نەبۆ

 

ئەحمەد بەگ کۆمسای

نویسنده : admin

مشاهده همه نوشته ها

نوشته های مرتبط

ارسال یک پاسخ

نام * تارنما

*

پر فروش ترین محصولات

هه نبانه بورینه
دیوانی ماموستا هیمن
دیوانی ماموستا قانع
دیوانی ماموستا شیرکو بیکس

تاییدیه سامانه ی ساماندهی

logo-samandehi

تاییدیه درگاه پرداخت

تبلیغات

Statistics