سه‌رۆکی ئیداره‌ی میراتی فەرهەنگی، پیشه‌ ده‌ستییه‌کان و گه‌شتیاریی شارستانی بۆکان له‌ دروستکردنی مۆزه‌خانه‌ له‌م شارە هه‌واڵی دا و وتی: پلانی داڕشتنی بیناسازی و نژیارڤانیی بینای مۆزه‌خانه‌که‌ش له‌ رێگای بانگه‌وازێکەوە دەخرێتە‌ رکابه‌رییەوە.
“ئه‌سعه‌د جه‌میانی” له‌ دیمانە له‌گه‌ڵ هه‌واڵنێریی کوردپرێس ڕایگه‌یاند: له‌ کۆبوونه‌وه‌ی لیژنەی پلانداڕشتنی شاری بۆکان که‌ ماوه‌ی چه‌ند مانگ له‌وه‌پێش به‌ ئاماده‌بوونی به‌ڕێوه‌به‌ری گشتیی ئیداره‌ی میراتی فەرهەنگی، پیشه‌ ده‌ستییه‌‌کان و گه‌شتیاری پارێزگای ئازه‌ربایجانی رۆژئاوا به‌ڕێوه‌چوو، گەڵاڵەی دروستکردنی مۆزه‌خانه‌ له‌م شارستانه‌ په‌سند کرا.
ڕاشگه‌یاند: له‌م کۆبوونه‌وه‌یه‌دا په‌سند کرا که‌ بڕی ۷۵۰ میلیۆن تمه‌ن له‌ بوودجه‌ی ده‌وڵه‌تی به‌ شاره‌وانیی بۆکان ته‌رخان بکرێت و شاره‌وانی بڕی ۲۵۰ میلیۆن تمه‌ن له‌گه‌ڵ یه‌ک پارچه‌ زه‌وی بۆ پرۆژه‌ی دروستکردنی مۆزه‌خانه‌ ته‌رخان بکات.
جه‌میانی له‌ درێژه‌ی قسه‌کانیدا وتی: به‌ پاڵپشتیی شاره‌وانی بۆکان و به‌ په‌سندکردنی ئه‌ندامانی شۆڕای ئیسلامیی شاری بۆکان، زه‌وییه‌ک به‌ رووبه‌ری ۱۵۰۰ مه‌تری چوارگۆشه‌ له‌ شه‌قامی ساحیلی و له‌ نزیکی مه‌ودای هۆتێل ئیزه‌دی بۆ دروستکردنی مۆزه‌خانه‌ خراوه‌ته‌‌ به‌ر ده‌ستی ئیداره‌ی میراتی فەرهەنگی، پیشه‌ ده‌ستییه‌‌کان و گه‌شتیاریی شاری بۆکان.
ئه‌و له‌ به‌شێکی دیکه‌ی ئه‌و دیمانه‌ له‌ به‌ستنی گرێبەستێک له‌گه‌ڵ شاره‌وانیی بۆکان هه‌واڵیدا و وتیشی: به‌ پێی ئه‌م گرێبەستە دوای کرانەوەی مۆزه‌خانه‌، به‌شی گه‌له‌ریی ئاسه‌واری مێژوویی و کۆنینه‌ له‌به‌ر ده‌ستی ئیداره‌ی میراتی فەرهەنگی ده‌بێت و به‌شه‌کانی دیکه‌ی وه‌کوو شوێنی فرۆشتنی پیشه‌ ده‌ستییه‌کان به‌ شێوه‌ی هاوبه‌شی له‌گه‌ڵ شاره‌وانیی بۆکان ئیدارە دەکرێت.
سه‌رۆکی میراتی فەرهەنگی شاری بۆکان وێڕای ئاماژه‌ به‌ ڕاگه‌یاندنی بانگه‌وازی پلانی داڕشتنی بیناسازی و نژیارڤانی بینای مۆزه‌خانه‌کە، وتی: بینای ئه‌م مۆزه‌خانه‌یه‌ به‌ پێداگری لە کردنەوەی شوێنێک بۆ گه‌له‌ریی ئاسه‌واری مێژوویی، چێ ده‌کرێت که‌ ئه‌م بینایە‌ پێکهاتووه‌ له‌ نهۆمی ژێرزه‌وین کە که‌رسته‌ و دامو‌ده‌زگاکان، ئه‌نبار، تاقیگا و نۆژه‌نکردنه‌وه‌ی ئاسه‌واره‌کان لە خۆ دەگرێت، نهۆمی هاوکەف کە شوێنی هاتنه‌ نێو لابی و سه‌ردان، فێرکاری و کۆڕ و کۆبوونه‌وه‌کان و کاروباری ئیداریی دایره‌ی میراتی فەرهەنگی دەبێت و گه‌له‌ریی ئاسه‌واری مێژوویی و کۆنینه‌، ئه‌رشیڤ و کتێبخانەش لە ‌نهۆمی یه‌که‌مدا دەبن.
ئه‌و تێچووی دروستکردنی ئه‌م مۆزه‌خانه‌یه‌ی به‌ بڕی سێ میلیارد تمه‌ن راگه‌یاند و ڕوونی کرده‌وه‌: پاره‌ و بوودجه‌کانی پێویست بۆ دروستکردنی بینا و باڵه‌خانه‌ی مۆزه‌خانه‌که‌ له‌ ڕه‌وتی گه‌شت و سه‌ردانی سه‌رۆک کۆماری ئێران بۆ شاری بۆکان دابین ده‌کرێت و ئیداره‌ی گشتیی میراتی فەرهەنگی، پیشه‌ ده‌ستییه‌کان و گه‌شتیاریی پارێزگای ئازه‌ربایجانی رۆژئاوا ته‌یار کردن و پێدانی که‌رسته‌گه‌لی پسپۆڕانه‌ی مۆزه‌خانه‌که‌ی گر‌تۆته‌ ئه‌ستۆ.
جه‌میانی له‌ درێژه‌ی قسه‌کانیدا وه‌بیری هێنایه‌وه‌: ئه‌گه‌ر بوودجه‌کان‌ و پاره‌ی پێویست بۆ دروستکردنی ئه‌م مۆزه‌خانه‌یه‌ دابین بکرێت، مۆزه‌خانه‌ی مێژوویی بۆکان له‌ ماوه‌ی ۲۴ مانگی داهاتوودا دروست ده‌کرێت و سه‌رجه‌م ئاسه‌واری مێژوویی بۆکان له‌گه‌ڵ خشته‌کانی ئه‌شکه‌وتی مێژوویی قه‌ڵایچی له‌ کاتی کردنه‌وه‌ی مۆزه‌خانه‌که‌دا له‌ ورمێ بۆ بۆکان ده‌هێندرێته‌وه‌ و له‌ مۆزه‌خانه‌ی ئه‌م شاره‌ داده‌ندرێن.
ناوبراو لە کۆتاییدا جەختی لەوەش کرده‌وه‌: هەوڵ دەدەین لە داهاتوویەکی نزیکدا ئه‌شکه‌وتی قه‌ڵایچی، وەک ئاسەوارێکی سەردەمی مانناییەکان به‌ که‌مترین ده‌ست لێدان و زیان پێگه‌یاندن، بکەینە ناوچه‌یەکی گه‌شتیاری.

سەرچاوە : کوردپرێس

نویسنده : admin

مشاهده همه نوشته ها

نوشته های مرتبط

ارسال یک پاسخ

نام * تارنما

*

پر فروش ترین محصولات

هه نبانه بورینه
دیوانی ماموستا هیمن
دیوانی ماموستا قانع
دیوانی ماموستا شیرکو بیکس

تاییدیه سامانه ی ساماندهی

logo-samandehi

تاییدیه درگاه پرداخت

تبلیغات

Statistics